«Тәуелсіздік идеясы және көркем мәдениет» атты ұжымдық монографияның 5-кітабы қазіргі әдебиеттің әдеби-теориялық мәселелері мен Тәуелсіздік идеясының көркем мәтіндегі ұстанымдарын қарастырады. Сонымен бірге кітапта ұлттық әдебиеттану ғылымының барлық салаларында зерттеулер жазған М.О.Әуезов мұралары әде- биеттанушы мамандар тарапынан жан-жақты зерттеледі. Тәуелсіздік жолындағы ұлт-азаттық көтерілістер туындатқан әдеби шығармалар, ондағы қазақ елінің мұрат-мақсаттары ашып көрсетіліп, әдеби тұжырымдардың басты белгілері жан-жақты талданады. Кітап әдебиет зерттеушілеріне, жоғары оқу орындарының студенттеріне, әдебиет тарихын сүйер жалпы оқырманға арналған.

«Тәуелсіздік идеясы және көркем мәдениет» атты ұжымдық монографияның 2-кітабында ХХ ғасыр қазақ әдебиетіндегі тәуелсіздік идеясы мәселелері арнайы қарастырылады. Алаш зиялыларының Қазақ мемлекетін орнату идеялары, ұлт зиялыларының дербес мемлекетті аңсаған шығармалары талданып, ұлы жазушы М.Әуезов шығармаларындағы елдік мұрат-мақсаттар сараланады. Кітап әдебиет зерттеушілеріне, жоғарғы оқу орындарының студенттеріне, әдебиет тарихын сүйер жалпы оқырманға арналған.

Оқырман назарына ұсынылып отырған бұл кітап қазақ өнері мен мәдениетіндегі тәуелсіздік идеясы мәселелеріне арналған. Өнердің басты салалары бейнелеу, музыка, театр өнеріндегі елеулі туындыларда халықтың, мемлекеттің өзіндік қайталанбас жолын табуға, азаттығын баянды етуге ұмтылған ізденістері мен идеялық көзқарастарын республиканың белгілі өнертанушы ғалымдары жан-жақты зерделеп ой елегінен өткізуде. Қазақстан тәуелсіздігінің жиырма жылдық мерейтойы қарсаңында қолға алынған бұл өзекті тақырып пен көтерілген мәселе келешекте жалғасын табады деп жоспарлануда. Кітап өнертану, мәдениеттану саласының мамандарына, казак өнерінің тарихы мен теориялық мәселелерін оқып үйренетін жоғары оқу орындарының магистранттары мен студенттеріне және жалпы жұртшылыққа арналған.