Драматургия – театрсыз, театр – драматургиясыз өмір сүре алмайды. Әдебиет тің күрделі жанры деп саналатын драматургия саласы театр өнерінің негізгі өзегі. Сол себепті бірін екіншісінен бөліп қарастыруға болмайды. Автордың бұл зерттеу еңбегі әдебиеттің маңызды саласы – драматургияның қазақ театр өнерімен өзара байланысын театртанушылық көзқараспен саралайды. Отандық драматургия мен театрдың даму жолы, осы салаға қатысы бар маңызды мәселелер, оны жүзеге асыру мен шешудің жолдарына арнаған. Ұлттың мәдени-рухани әлемін қалыптастыру мен дамыту жолында елеулі із қалдырған талантты қаламгер-драматургтардың осы бағыттағы шығармашылық ізденістері, отандық театрдың заманауи өзекті тақырыптар төңірегінде жазылған пьесалары, оларды сахналау жолдары жайлы ғылыми зерттеулер мен баяндамалар, жарияланған драмалық топтамаларға шолу лар жинақталған. Біраз жылдардан бері республикалық БАҚ бетінде драматургия мен театрды байланыстыра зерттеген автордың ғылыми ізденістері, осы саладағы өзекті, маңызды тақырып болып көтерілген мәселелер отандық драматургия мен театрдың тынысы мен жүрек соғысын беретін материалдар кітап тақырыбының мазмұнын аша түседі. Еңбек қазақ драматургиясы мен театрының ХХ-ХХІ ғасыр лар тоғысындағы көркемдік келбетін, тыныс-тіршілігін, бүгінгі бағыт-бағдарын бағамдауға мүмкіндік береді. Кітап әдебиеттану, театртану, мәдениеттану саласының мамандарына, қазақ сахна өнерінің тарихы мен теориялық мәселелерін оқып үйренетін жоғары оқу орындарының докторанттары, магистранттары және жалпы өнерсүйер жұртшылыққа арналған.