Кітап Қазақстан Тәуелсіздігінің 20 жылдығына арналған. Мұнда саналы ғұмырын әдебиеттану ғылымына арнаған белгілі әдебиет зерттеуші-ғалым, сыншы, Мемлекеттік сыйлықтың лауреаты, академик Серік Қирабаевтың соңғы жылдары жазылған еңбектері топтастырылған. Автор қазақ әдебиетіне бүгінгі күн тұрғысынан баға бере отырып, ұлт тәуелсіздігі, бостандығы, егемендігітуралы ой қозғайды. Ғалым зерттеулері ұлттық әдебиеттанудың табысы ретінде танылса, сын мақалалары қазіргі әдеби сынның бағытын айқындайды. Кітап төрт бөлімнен тұрады. Бірінші бөлімде Елбасы, Астана туралы толғамдар топтастырылып, екінші бөлімде әдебиеттанушылықзерттеулер берілген. Үшінші бөлімнің мазмұны ғалымның сын мақалаларымен ашылса, төртінші бөлімде замандастары туралы естеліктер ұсынылған. Жинақ әдебиеттанушы ғалымдар мен қазақ әдебиеті пәнінің мұғалімдеріне, аспиранттар мен магистранттарға, филология факультетінің студенттері мен жоғары сынып оқушыларына, сондай-ақ әдебиет сүйер көпшілік қауымға арналған.