Ұжымдық жинақта ұлы жазушы, ғұлама ғалым, қоғам қайраткері М.Әуезовтің аса бай, сан салалы ғылыми, әдеби мүрасы жаңа козқараспен пайымдалады. Еліміз егемендік алған кезеңнен бастап, барлық мәдени қазына уақыт тудырған соны талаптарға сәйкес қайта қолға алынып, зерттеле бастады. “Әуезов үйі” ғылыми-мәдени орталығының ғалымдары әзірлеген бүл жинақ – осы саладағы мол ізденістердің жалғасы. Кітаптағы ғылыми зерттеулерде М.Әуезовтің оқырманға бұрыннан белгілі көркем шығармаларымен қоса, публицистикалық еңбектері жан-жақты қарастырылады. Жазушының әр жанрдағы көркемдік-дүниетанымдық ізденістері, әдеби: байланыстар мен көркемдік ұстанымдары – ХХ ғасыр басындағы рухани ортаның ауқымына сай бүгінгі таным тұрғысынан нақты сарапталады. 1920-30 жылдардағы М.Әуезов прозасының жанрлық ерекшеліктері, текстологиясы және ұлттық дәстүр мен жазушының әсемдік Әлемі жаңа қырынан талданады. Ал осы кезеңдегі суреткер әңгіме-повестеріндегі этнографиялық көріністер және Үлы түлғаның балалар әдебиетіне қосқан елеулі үлесі мен үлт тәуелсіздігіне сіңірген еңбектері зерттелген. Кітап әдебиет зерттеушілеріне, жоғары оқу орындарында оқитын студенттер мен аспиранттарға, жалпы әдебиет сүйер оқырман қауымға арналған.