Ата-бабамыздан сақталып келе жатқан халық қолөнерінің ішіндегі ең көп тараған түрлерінің бірі – құрақ құрау. Құрақтың ерекшелігі сол, ол – сан түрлі мата қиындыларынан, геометриялық фигуралар үлгісінен құрастырылып тігіледі. Ши тоқу, өрмек тоқу, арқан есу, құрақ құрау т.б. қолөнерімен үлгі болып келген қазақ әйелдері ұқыптылыққа, сұлулыққа, жинақылыққа назар аудара отырып, мата қалдықтарын іске асырған, кәдеге жаратқан. Құрақ құрау аса ісмерлікті, шеберлікті қажет етеді. Сол үшін де кітапта құрақтың түрлері, құрақ құраудың әдістері мен тәсілдері, құпиялары, құрақ құрауға қажетті тігін бұйымдары мен құраққа қолданылатын мата түрлері сияқты т.б. құнды мәліметтер келтірілген. Кітап мектеп оқушылары мен ұстаздарына, колледждің және жоғары оқу орындарының студенттері мен олардың тәлімгерлеріне, сондай-ақ құрақ құрауды өз бетімен үйренгісі келетін көпшілік оқырман қауымға арналады.