«Жүрекке жорық» жинағына қазақтың көрнекті драматургі Қалтай Мұхамеджановтың аудармасы бойынша республикамыздың театр сахналарында бүгінгі таңға дейін сан рет қойылып, көрермендерді өнер ләззатына толассыз сусындатып жүрген оннан астам пьеса еніп отыр. Олардың ішінен А. Каплердің «Ленин 1918 жылы», Ш. Айтматовтың «Ана – Жер ана», «Арманым, Әселім», А. Софроновтың «Жүрекке жорық», А. Вампиловтың «Тұңғышым», А. Қаһардың «Ауру тістер» атты айшықты дүниелерін бөліп атауға болады. Мұнымен қатар кітапқа шетлдік драматургтер мсн совет әдебиеті сөз зергерлерінің де осы жанрдағы айтулы туындылары енді. Аудармалардан жазушының ойнақы дауытты, сергек те сыршыл суреткерлік қолтаңбасы айқын байқалады.