Оқу құралы үш тараудан тұрады. Алғашқы тарауда, монологпен жұмыс жасау, оның ішінде: сөйлеу техникасын меңгеру, сөздің дұрыс айтылуына мән беріп, мәнер- леп оқуға машықтану; дауыс сарыны, интонация (сөз сазы), екпін, кідіріс (пауза), сөй- леу қарқыны (темп), дауыс күші, сөйлеу әуені (мелодикасы), сөйлеу нақышы (тембр), тағы да басқа монологпен жұмыс жасаудың кең мүмкіндіктері қарастырылады. Екінші тарауда: монолог таңдай білу, сахналық шығармалардан монологтар талдау, моноло- гпен жұмыс жасау тәсіліне тоқталған. Соңғы бөлімде: театр актерларының моноло- гпен жұмыс істеу әдістеріне, кадр сыртындағы монологтар жұмысына орын берілген. «Монологпен жұмыс жасауға арналған мәтіндер» бөлімінде, қазақ драматургтері мен шетел және орыс классикасының туындыларынан студенттер мен оқытушыларға көмекші құрал ретінде бірқатар монологтардан үзінділер енгізілген. Студенттер мен оқытушыларға, актерлар мен режиссерларға, дикторлар мен лек- торларға арналған оқу құралының кәсіби актерлар мен өзге де өнер иелерін дайындау ісінде тигізер пайдасы зор.