<p>Аталмыш жинақ ұлт мәдениетінің дамуына баға жетпес үлес қосқан, дүние жүзіне кеңінен танымал аса көрнекті қазақ ақыны, ағартушы, философ, ойшыл және музыкант Абай Құнанбаевтың 175 жылдығына орай шығарылған. Қазақстан Республикасының білім беру саласының үздігі, доцент Арзиев Зуфар Зунуновичтің &laquo;Фор-тепианоға арналған пьесалар&raquo; хрестоматиясында Ұлы ақын, қазақ мәдениетіне зор үлес қосқан, ғұлама Абай Құнанбаевтың өлеңдеріне музыкасын жазған Қазақстан композиторларының негізгі музыкалық тақырыпқа негізделген 18 әніне фортепиано аспабына арнап өңдеу жасалған. Хрестоматияны құрастырудағы бірден бір себеп Ұлы Абайдың классикалық-музыкалық мұрасының философиясын және ойларының жан-жақтылығын бейнелейтін, осы уақытқа дейін әлі де ешкім редак-цияламаған, ешқайда жарияланбаған, жаңа, түпнұсқалық шығармалармен оқу-педагогикалық репертуарын әртараптандыруға, кеңейтуге, байытуға және жаңартуға деген ұмтылыс болды. Ұсынған жеңілдетілген фортепианолық редакция музыкалық ортада ғылыми, әрі педагогикалық қызығушылық тудыратыны сөзсіз, сондай-ақ, оқу-әдістемелік әдебиеттер қатарын толықтырып, педа-гогикалық репертуарды кеңейтуге үлес қосады. Жинақта қамтылған Абай Құнанбайұлының әндерін техникалық жағынан ғана емес, көркемдік тұрғыда жете жеткізілуіне назар аударылып, негізгі ерекшеліктерін айқын да нақты көрсете білуге талпыныс жасал-ған. Абай шығармалары фортепиано аспабына лайықтандырылып, қазақ халқының аспаптық музыкасына қатысты мәдени құндылықтар жөніндегі білімнің әрі қарай толыға, жетіле түсуінің тамаша үлгісі бола алады.</p>