«Тәуелсіздік идеясы және көркем мәдениет» атты ұжымдық монографияның жетінші кітабы ауыз әдебиеті үлгілерінен бастап, ежелгі дәуір мен жыраулар поэзиясындағы, ХІХ-ХХІ ғасыр әдебиетіндегі тәуелсіздік идеясының көркем бейнеленуін жан-жақты қарастырады. Қазақ халқының басынан кешкен түрлі әлеуметтік-тарихи оқиғалардың әр дәуір әдебиетіндегі шынайы бейнеленуіне назар аудару барысында халық өлеңдеріндегі тәуелсіздік идеясы, жыраулар поэясындағы ерлік пен елдік мәселелері, кеңестік дәуір мен егемендік алғаннан кейінгі әдебиеттегі тәуелсіздік рухы халықтың арман-мақсатымен бірлікте қаралғандығы ғылыми сараланады. Кітап әдебиеттанушы ғалымдар мен оқытушыларға, жоғары оқу орындарының студенттері мен магистранттарына, докторанттарға және әдебиет тарихына қызығушылық танытқан көпшілік қауымға арналған.