Енбекке Б.Майтановтың соңғы жылдарда жазылған ғылыми зерттеулері енгізіліп отыр. Кітаптың алғашқы бөлімінде әдебиеттанушы ғалымның Абай және Мұхтар Әуезов шығармалары төңірегіндегі жаңашыл көзқарастағы тың зерттеулері, естелік мақалалары топтастырылып берілген. Екінші бөлім жекелеген қаламгерлер шығармашылығы негізінде бүгінгі қазақ прозасының көркемдік деңгейін зерделейтін ғылыми мақалаларды қамтиды. Кітаптың үшінші бөлімінде ұлттық поэзияның беталыс-бағдары жөніндегі толымды ғылыми пайымдар орын алған. Зерделі ғалымдар, білікті ұстаздар жайлы естелік, эссе, шығармашылық портрет жанрларындағы автордың соңғы уақытта жазылған өзекжарды ой-толғамдары еңбектің соңғы бөлімінде жинақталып беріліп отыр. Еңбек әдебиеттанушы ғалымдар мен оқытушыларға, филолог студенттер мен магистранттарға, докторанттарға және әдебиетсүйер жалпы оқырман қауымға арналады.