Монографияда қазақ драма театрларындағы ширек ғасыр бойындағы спектакльдердің сценографиясы көркемдік тиімділік тұрғысынан қарастырылады. Креативті индустрия мен технологиялар дамуы жағдайында қазақ ұлттық сахна өнерінің сценографиялық ұтымды шешімдеріне, тарихи кезеңдерінің эстетикалық тұжырымдамаларына, театр суретшілері ізденістері мен жаңашылдық қырларына сындарлы талдау жасалады. Тиімділік өлшемдері мен көрсеткіштері, оның технологиялары Қазақстан сценография өнерінің көркемдік үдерістері мен бүгінгі дамуына логикалық құрылым жасалып, сценографиялық көркемдік шешімдерінің критерийлері анықталады. Логикалық шеңберді анықтаушы ретінде – нәтижеге бағытталған менеджмент, негізгі ғылыми әдіс-тәсілдер, жүйелік талдау, шарт құқығы, себеп – салдар тәрізді жобалау тәжиребесіне қатысты әдістемелер ұсынылады. Жоғары және арнайы орта оқу орындарындағы театр, режиссура, сценография мамандығы студенттеріне, магистранттарына, докторанттарға, оқытушыларға және театр өнімділігін зерттеуші мамандарға арналады.