Ұсынылып отырған оқу құралында, қазақ тілі заңдылықтарының негіздеріне сүйене отырып, қазақ әндерінің сөздерін дұрыс айтылу жолдары қарастырылады. Қазақ тілінің фонетикалық заңдылықтарын талдай келе ән сөздерінің түрлі өзгерістері мен айырмашылықтары, мүмкіндіктері айқындалады. Тіл заңдылықтарын зерттеп, талдау барысында сөздердің өзгеріске ұшырауына фонетикалық атаулардың әсерінен болатыны және ол атаулар ұлтымыздың бұрыннан қалыптасқан сөйлеу нормасына айналғаны баяндалған. Қазақ тіліндегі орфография мен орфоэпиялық өзгерістерді айқындап ән сөздерінің әндетілуі буын арқылы көрсетілген. Оқу-тәрбие саласында болашақ әншілер тәрбиесінде қолдану, жалпы сахнада ән айтып жүрген әншілерге ұлттық тіліміздің заңдылықтарын сақтай отыра, орындаушылық шеберліктерін жетілдіруге жол ашады деген ойдамыз.