Кітап Қазақстанда шығыстану ғылымының іргетасын қалаушылардың бірегейі, ҚР Жоғары мектеп ҒА-ның академигі, ҚР ҰҒА-ның Құрметті академигі, Халықаралық араб тілі академиясының (Каир) толық мүшесі, ҚР Білім және Ғылым министрлігі Р.Б. Сүлейменов атындағы Шығыстану институтының директоры, филология ғылымдарының докторы, профессор Әбсаттар Дербісәлінің 70 жылдығына орай шығарылып отыр. Жинақтан ғалымның зерделі зерттеулерінен тұратын соны дүниелері һәм ғылыми, қоғамдық, педагогикалық қызметі мен отандық ғылым және руханиятқа қосқан үлесін де баяндайтын ғылыми жарияланымдарын ұшыратасыз. Сонымен қатар мұнда мұрағат құжаттары, фотосуреттер де бар. Замандастары мен әріптестері және шәкірттерінің де ол жайлы лебіздері топтастырылған. Кітап көпшілік оқырманға, ұстаздар мен студенттер және ғылыми ізденушілерге, отандық шығыстану тарихы қызықтыратындарға арналған.